Investitorët gjermanë ikin nga Kosova

„Në tërheqjen e investitorëve po pengon edhe imazhi negativ i Kosovës“, tha Dobruna

Kujtim Dobruna, udhëheqës i Nismës Ekonomike për Kosovën (ECIKS) me seli në Vjenë të Austrisë ka deklaruar në një intervistë për gazetën „Zëri“ se investitorët gjermanë nuk janë trajtuar mirë nga institucionet në Kosovë dhe për këtë arsye, sipas tij, ka pasur eksod të tyre, sidomos në sektorin e energjisë dhe telekomit.

„Në tërheqjen e investitorëve po pengon edhe imazhi negativ i Kosovës“, tha Dobruna.

“Pengesë kryesore për tërheqjen e investimeve të huaja në Kosovë është imazhi i keq i Kosovës, që reflektohet nëpërmjet vështirësive në sundimin e ligjit, krimit e korrupsionit, administratës joefektive dhe pengesave të tjera të natyrës institucionale. Dhe ky imazh nuk mund të përmirësohet vetëm nëpërmjet konferencave promovuese”, thotë më tutje në këtë intrevistë Kujtim Dobruna.

Sic raporton gazeta “Zëri” bizneset  gjermane po ikin nga Kosova dhe po investojnë në vendet e rajonit.

Vendin e investitorëve gjermanë në Kosovë po e zënë investitorët turq, të cilët tashmë kanë privatizuar asetet kryesore të vendit, përkatësisht rrjetin e distribucionit të energjisë elektrike dhe koncesionimin e Aeroportit Ndërkombëtar të Prishtinës “Adem Jashari”.

Sipas raportit të Bankës Qendrore të Kosovës (BQK) për vitin 2013, investimet gjermane gjatë vitit të kaluar kanë shënuar rënie drastike për më shumë se 56 për qind, përderisa investimet turke janë rritur për 33 për qind