Irina Shayk flet për modën, rusët e futbollin

(AP Photo/Thibault Camus)

Super-modelja ruse, Irina Shayk solli flamurin në Barcelonë derisa ndoqi prezantimin e fustaneve të nusërisë nga brendi katalonjas, Pronovias. Në një intervistë me agjencinë e lajmeve Reuters, Shayk foli për admirimin që e ka për këtë brend dhe për kualitetin e qepjes dhe fustanet që krijon.

“Pronovias tashmë njihet për spektakle të jashtëzakonshme dhe janë shumë të mirë në këtë,” tha mes tjerash Shayk. “Modele të bukura, fustane të bukura gjithmonë tërheqin shumë vëmendje” shtoi rusja.

Shayk po ashtu foli për emocionet sa i përket Kupës së Botës në Futboll e që këtë vit do të mbahet në Rusi duke thënë se është e bindur që ngjarja do të jetë e jashtëzakonshme meqë rusët janë nikoqir të mirë. Shayk po ashtu shtoi se gratë ruse janë të fuqishme dhe të lira të bëjnë gjithçka, dhe se ka gjasa së shpejti ndonjëra të bëhet presidente.