Ish kancelari Schröder bëhet shef i bordit të koncernit rus të naftës

Partia e Schröder-it, SPD-ja vazhdimisht e ka kritikuar ish kancelarin e dalë prej saj, për angazhimin e tij në Rosneft

Gerhard Schröder, ish kancelari i Gjermanisë (nga koha e sulmeve të NATO-s mbi Serbinë) është bërë kryetar i bordit të drejtorëve të koncernit më të madh rus të naftës, Rosneft.

Koncerni në fjalë, në pjesën më të madhe të tij i takon shtetit rus.

Pas zgjedhjes së tij në këtë post, Schröder ka thënë se nuk i mbështet sanksionet e BE-së kundër Rusisë, shkruajnë mediat gjemrane. Sipas tij, duke qenë se janë shënuar përparime në përpjekjet për përfundimin e luftës në Ukrainën lindore, sanksionet duhet të zbuten.

Ndërsa BE-ja i ka vendosur sanksione koncernit gjysmështetëror Rosneft për shkak të rolit të tij në luftën në Ukrainë, transmeton albinfo.ch

Nga ana tjetër, partia e Schröder-it, SPD-ja vazhdimisht e ka kritikuar ish kancelarin e dalë prej saj, për angazhimin e tij në Rosneft.