Ish-ministri shqiptar dënohet me 20 muaj burg

Spiro Ksera u dënua pasi kishte lënë anash 285 mijë dollarë për aktivitete për komunitetin rom, aktivitete këto që nuk janë zhvilluar kurrë

Një gjykatë shqiptare ka dënuar ish-ministrin e punës, Spiro Ksera me 20 muaj burg për shpërdorim detyre, shkruan albinfo.ch.

Ksera, 49-vjeçar, ministër i Punës, Çështjeve Sociale dhe mundësive të barabarta deri në vitin 2013, u dënua pasi kishte lënë anash 285 mijë dollarë për aktivitete për komunitetin rom, megjithatë, këto aktivitete nuk janë zhvilluar kurrë. Paratë thuhet se kanë përfunduar në xhepin e ministrit dhe stafit të tij.

Ksera mohoi akuzat dhe avokati i tij tha se do të apelojë. Një avokat i ish- ministrit u dënua me 10 muaj në rastin e njëjtë.

Megjithatë, ky rast në Shqipëri është komentuar si ‘peshk i vogël’, derisa reformat gjyqësore të miratuara së fundmi pritet të luftojnë korrupsionin, njërin nga problemet më të mëdha të Shqipërisë që 15 vite.