Italia miraton marrëveshjen për udhëtarët ndërkufitarë me Zvicrën

Parlamenti zviceran e miratoi marrëveshjen në mars të vitit 2022

Dhoma e Deputetëve të Italisë ka miratuar marrëveshjen e re për udhëtarët ndërkufitarë mes Zvicrës dhe Italisë. Marrëveshja e ratifikuar zëvendëson marrëveshjen e mëparshme të vitit 1974 dhe synon kryesisht shmangien e taksimit të dyfishtë.

Dhoma e Deputetëve miratoi marrëveshjen unanimisht të enjten. Megjithatë, për shkak të disa amendamenteve, ajo duhet të kthehet në Senat, më i vogël nga dy dhomat e Parlamentit italian, i cili e kishte miratuar tashmë marrëveshjen në fillim të shkurtit. Parlamenti zviceran e miratoi atë në mars 2022, përcjell Albinfo.ch.

Sipas marrëveshjes, Zvicra do të mbajë në të ardhmen 80% të taksave të mbajtura në burim mbi të ardhurat e udhëtarëve italianë ndërkufitarë. Udhëtarët e rinj ndërkufitarë gjithashtu duhet të tatohen siç duhet në vendin e tyre të banimit dhe vendi i rezidencës duhet të eliminojë çdo tatim të dyfishtë.

Marrëveshja përcakton udhëtarët ndërkufitarë, si njerëz që jetojnë brenda një rrezeje 20 kilometrash nga kufiri dhe, në parim, kthehen në vendbanimin e tyre çdo ditë. Ky përkufizim i ri zbatohet për të gjithë punëtorët ndërkufitarë që nga hyrja në fuqi e marrëveshjes.

Rreth 77,000 punëtorë italianë kalojnë kufirin zviceran në kantonin Ticino çdo ditë. Shumica vijnë nga Lombardia./Albinfo.ch

---