Ivanov thotë se ligji për gjuhët cenon karakterin unitar të Maqedonisë

Presidenti i Maqedonisë Gjorgje Ivanov në fjalimin e tij vjetor në Kuvend ka ritheksuar se “platforma e Tiranës” u shndërrua në një krizë kushtetuese.

“Ligji për gjuhën shqipe po cenon karakterin unitar të shtetit. Mandatin e kam dhënë vetëm pasi u dhanë garanci me shkrim, për mbrojtjen e integritetit të vendit. Kriza e gjatë politike u reflektua edhe në ekonomi. Në rast se para një kohe ishim të parët në rajon sa i përket fushës së ekonomisë, tani jemi të fundit”, tha Ivanov.

Ai në fjalimin e tij shprehu shqetësimet e tij edhe rreth gjendjes me ndotjen e ajrit.