Izraeli e emërton një stacion hekurudhor në emër të Trumpit

Ministri i Transportit të Izraelit dëshiron të gërmohet një tunel hekurudhor nën Qytetin e Vjetër të Jerusalemit dhe një stacion afër Murit Perëndimore të emërtohet “Donald Trump”.

Yisrael Katz thotë se do të donte të nderonte presidentin amerikan, Donald Trump, për vendimin e tij që të njohë Jerusalemin si kryeqytet të Izraelit.

Muri Perëndimor është vendi i shenjtë ku çifutët lejohet të luten, transmeton Albinfo.ch.

Propozimi për një tunel dhe stacion të ri do të formonte një zgjatje të re për linjën nga Tel Avivi që pritet të hapet vitin e ardhshëm.

Agjencia Kulturore e Kombeve të Bashkuara, UNESCO, e cilëson Qytetin e Vjetër si pjesë të rëndësishme të Trashëgimisë Botërore. Ajo ka shprehur shqetësime lidhur me tunelin dhe gërmimet.