Izraeli zgjeron operacionet në Khan Younis

Keystone EPA/MOHAMMED SABER

Forcat e Mbrojtjes të Izraelit (IDF) thanë se po zgjeronin operacionet në zonën përreth qytetit të Khan Younis në Rripin jugor të Gazës.

“Trupat eliminuan dhjetëra terroristë me anë të sulmeve ajrore, snajperëve dhe zjarrit me tanke”, tha IDF në një postim në llogarinë e saj në gjuhën hebraike në X, e njohur më parë si Twitter.

Autoritetet izraelite besojnë se liderët ushtarakë të grupit militant palestinez Hamas janë të strehuar në Khan Younis.

Izraeli ka urdhëruar banorët e qytetit të evakuohen në Rafah, i cili shtrihet në kufirin me Egjiptin.

Hamasi është cilësuar si organizatë terroriste nga SHBA, BE, Gjermania, Izraeli dhe qeveri të tjera, shkruan DW.