Ja cilat janë caqet e sulmuara nga aleatët në Siri

Janë goditur tri objektiva, një laborator kërkimor në Damask, i lidhur me prodhimin e armëve kimike dhe biologjike, një magazinë ku mbaheshin armë kimike në qytetin Holms dhe një magazinë tjetër ku mbaheshin pajisje për prodhim armësh

Sulmi mbi Sirinë i realizuar nga SHBA në bashkëveprim me Britaninë e Madhe dhe Francën,  është bërë për t’i dhënë goditje regjimit të diktatorit Bashar Al-Assad, ka thënë presidenti amerikan, Donald Trump. Ai ka thënë se ndalimi i prodhimit dhe përdorimit të armëve kimike nga Siria ,ka qenë qëllimi i këtyre sulmeve.

Sulmet kanë goditur Damaskun si dhe dy vende shumë pranë kryeqytetit sirian.

Sipas zyrtarëve të Pentagonit u goditën tri objektiva, një laborator kërkimor në Damask, i lidhur me prodhimin e armëve kimike dhe biologjike, një magazinë ku mbaheshin armë kimike në qytetin Holms dhe një magazinë tjetër ku mbaheshin pajisje për prodhim armësh dhe shërbente si qendër e rëndësishme komande, gjithashtu në afërsi të Holmsit.

Reuters raporton se sulmet ajrore në Siri kanë përfunduar, por ka forca ushtarake të gatshme, që në rast se u kërkohet ato do të intervenojnë.

Këtë sulm mbi regjimin sirian, e kanë përshëndetur Kanadaja, Turqia dhe NATO