Jankullovska: Vrasja nuk ishte me motive etnike

Të gjitha informacionet çojnë në atë se vrasja e pesëfishtë nuk ka konotacion ndëretnik, që do të acaronte raportet ndëretnike, ka thënë ministrja e brendshme e Maqedonisë, Gordana Jankullovska

Ajo ka shpalosur para gazetarëve gjetjet më të reja rreth vrasjes.

“I kemi hapur momentet më të reja të hetimeve dhe të dhënat si rezultat i obduksioneve. Të gjitha kapacitetet tona janë të orientuar në zbardhjen e rastit, pra ekzistojnë shumë variante, rishikojmë gjitha opsionet dhe jemi në kontakt me shërbimet e shteteve fqinje të cilat do të na vënë në dispozicion informatat e mundshme lidhur me autorët.

Të mobilizohemi në maksimum dhe aktorët ta marrin dënimin më rigoroz”, porositi Jankullovska. Sipas saj, ndaj të rinjve dyshohet se është shtënë me tre tipa të armëve dhe se ka më shumë se një kryes të veprës së rëndë penale. Ajo shtoi se është bërë zgjerimi i personave të marrë në pyetje dhe se kjo listë mëton të zgjerohet edhe më tej. Ajo është drejtuar edhe me apel se çdo qytetar që ka ndonjë informacion lidhur me rastin të paraqitet në telefonin e policisë 199 që është e fokusuar në mbledhjen e informatave. “MPB po ndërmerr masa në zbardhjen e rastit dhe aktorët nuk do të mund t’i ikin drejtësisë.