Javën që vjen, merret vendimi mbi pagën minimale?

Gjasat janë të mira që javën e ardhshme të merret vendimi i ri lidhur me pagën minimale në Kosovë

Përkundër faktit se sekretaria e Këshillit Ekonomik Social i ka bërë gati 5 propozime rreth përcaktimit të pagës minimale, asnjë nga palët e përfshira në këtë proces nuk kanë marrë të njëjtin dokument.

Në BSPK kanë shumë pritje rreth përcaktimit të pagës minimale, njoftojn KTV. Sindikata e punëtorëve është e bindur se paga minimale do të rritet në 260 euro, por kështu nuk mendojnë shoqatat e biznesit e as drejtuesit e Ministrisë së Punës.

Ministri Arban Abrashi thekson se paga minimale do të rritet dhe nuk do të ketë dy kategorizime të pagës minimale 130 dhe 170 euro.

Njëri nga pjesëmarrësit në Këshillin Ekonomik Social i ka thënë KTV-së se gjasat më të mëdha janë që paga minimale të mos rritet më shumë se 180 euro.