Jep dorëheqje ministri austriak i Shëndetësisë

Që nga fillimi i pandemisë, pas Rudolf Anschober, ky është ministri i dytë (nga partia e Gjelbër) i Shëndetësisë që heq dorë nga detyra e ministrit, njofton albinfo.at

Ministri i Shëndetësisë i Austrisë, Wolfgang Mückstein ka dhënë dorëheqjen. Si arsye e këtij vendimi, ai ka përmendur barrën personale. Për shkak të presionit të vazhdueshëm për hapjen e masave nga disa kryebashkiak të Landeve, e në anën tjetër kërcënimet ndaj tij dhe familjes nga kundërshtarët radikalë të vaksinimit kanë quar në dorëheqjen e tij. Ai jep dorëheqje dy ditë para hapjes së madhe të masave që pritet të lirohen ditën e shtunë, me 5 mars. shkruan albinfo.at

Dorëheqja e ministrit Mückstein vjen pas më pak se një viti, ndërsa do të punoj sërish si mjek i përgjithshëm në ordinancën e tij.

Për shkak se kancelari austriak Karl Nehammer do të jetë për një vizitë jashtë shtetit nga e shtuna deri të martën, mësohet se Mückstein do të qëndroj në detyrë deri ditën e martë, dhe vetëm atëherë do të betohet pasardhësi i tij, e që sipas mediave austriake, ministër i ri i Shëndetësisë pritet të jetë, Johannes Rauch.

Që nga fillimi i pandemisë, pas Rudolf Anschober, ky është ministri i dytë (nga partia e Gjelbër) i shëndetësisë që heq dorë nga detyra e ministrit.

---