Jep dorëheqjen kryeministri francez, Edouard Philipp

Keystone - Edouard Philipp

Informacionet e fundit tregojnë se kryeministri francez, Edouard Philippe, i paraqiti sot dorëheqjen e qeverisë së tij presidentit Emmanuel Macron, të cilën ai e pranoi, njoftoi Pallati Elyse, përcjell albinfo.ch.

Qeveria e dorëhequr do të trajtojë punët aktuale deri në emërimin e qeverisë së re, një ndryshim i kërkuar nga Emmanuel Macron, i cili njoftoi për një “ekip të ri” për të ndjekur një “rrugë të re” politike për pjesën e fundit të mandatit të tij, deri në zgjedhjet presidenciale të vitit 2022.

Presidenti francez, Emanuel Makron, ka njoftuar se faza e ardhshme e mandatit të tij presidencial do të shoqërohet nga një ekip i ri qeveritar, por nuk u prononcua për të ardhmen e kryeministrit.

Makron paralajmëroi se në dy vjetët e fundit të mandatit të tij ai dëshiron ta reformojë sistemin pensional.

“Faza e re kërkon qëllime të reja të pavarësisë, rikonstruksion, pajtim dhe metoda të reja. Pas kësaj do të qëndrojë një ekip i ri”, tha Makron.

Riorganizimi i qeverisë është përfolur pas zgjedhjeve lokale, që u mbajtën të dielën, në të cilat të Gjelbërit morën nën kontroll qytetet e mëdha franceze dhe Partia e Makronit, Republika në lëvizje, shënoi humbje.