“Jet Time” nga Danimarka aterron për herë të parë në Tiranë

“Jet Time” është një shoqëri ajrore daneze, e themeluar në vitin 2006 dhe operon kryesisht si një kompani, e cila ofron shërbime për biznese, duke siguruar shërbimet transporti ajror për avionë charter dhe shoqëri ajrore

Shoqëria ajrore daneze “Jet Time” ka fluturuar për në tokën shqiptare, për herë të parë, me një grup prej 130 turistësh në bord nga Skandinavia. Me këtë rast, TIA mbajti një ceremoni për të shënuar fillimin e operimit të destinacionit të ri nga kryeqyteti i Finlandës, Helsinki, në Tiranë.

“Ky është grupi i parë i turistëve nga Skandinavia dhe nesër presim të tjerë nga Suedia dhe Norvegjia. Njerëzit nga vendet e Skandinavisë janë shumë të interesuar për të parë Shqipërinë dhe ne u urojmë atyre një përvojë të bukur këtu”.

Nga ana tjetër, TIA i mbështet fluturimet në këto destinacione financiarisht, me qëllim për të zhvilluar turizmin dhe për të përmirësuar imazhin e Shqipërisë në Evropë dhe përtej saj”, u shpreh dr. Rolf Castro- Vasquez, drejtor i përgjithshëm ekzekutiv i TIA-s.

“Jet Time” është një shoqëri ajrore daneze, e themeluar në vitin 2006 dhe operon kryesisht si një kompani, e cila ofron shërbime për biznese, duke siguruar shërbimet transporti ajror për avionë charter dhe shoqëri ajrore. Që nga krijimi i saj, “Jet Time” është zhvilluar duke u bërë shoqëria ajrore më e madhe daneze. Tirana International Airport njofton se të tjera lajme të mira priten për sezonin veror.