Kamberi: Mirënjohës miqve amerikanë për përkrahjen e të drejtave të shqiptarëve të Luginës

Mbështetjen e kongresmenëve amerikanë për reciprocitet në të drejtat e minoriteteve e ka mirëpritur deputeti i vetëm në Parlamentin e Serbisë, Shaip Kamberi.

“Jashtëzakonisht mirënjohës miqve tanë në Kongres për përkrahjen e parezervë ndaj kërkesave të drejta dhe legjitime të shqiptarëve etnikë në Luginë të Preshevës”, ka shkruar Kamberi.

Kongresmenët Ritchie Torres dhe Jim Himes me një letër drejtuar kreut të Departamentit të Shtetit Amerikan, Anthony Blinken, kanë kërkuar të drejta të njëjta edhe për shqiptarët e Luginës së Preshevës.

Letrën që e nisën në prag të takimit të Ohrit, kongresmenët theksojnë rëndësinë për një marrëveshje gjithëpërfshirëse mbi normalizimin e marrëdhënieve, e po ashtu edhe njohjen reciproke.