Kamioni hyn në mes të turmës, 6 të vdekur

Keystone (Martin Speechley/NYPD via AP)

Mediat ndërkombëtare raportojnë se gjashtë persona dyshohen të kenë vdekur dhe disa të tjerë janë plagosur, pas të shtënave me armë zjarri dhe një sulmi me kamion në Manhattanin e poshtëm të Nju Jorkut.

Gjithnjë sipas mediave ndërkombëtare, incidenti thuhet të ketë ndodhur pranë rrugëve “Chambers” dhe “Houston”. Raportimi i parë mbi incidentin është bërë nga radio-skaneri i Policisë së Nju Jorkut, rreth orës 15:20 me atë lokale, përcjell albinfo.ch.

Departamenti i Policisë konfirmon se është arrestuar një person në lidhje me incidentin, por hetimet janë duke u zhvilluar.

Një kamion ishte drejtuar drejt një zone biçikletash, e ka shtypur aty çiklistë dhe këmbësorë.

Policia e Nju Jorkut nuk e ka konfirmuar ende informacionin e përhapur, por një zëdhënës shtoi se të gjitha raportimet po hetohen.