Kancelari austriak: Lëshojini nxemjet, ne do t’ ju ndihmojmë me para

“Askush në Austri nuk duhet të shqetësohet se nuk mund ta ndezë ngrohjen sepse çmimet e energjisë janë shumë të larta"

Në një prononcim për mediat austriake, kancelari i Austrisë, Karl Nehammer, iu ka bërë thirrje qytetarëve austriakë që t’i lëshojnë ngrohëset e rrymës, përcjell albinfo.at.

Ai theksoi në deklaratën e tij se do të ndihmohen me para nga qeveria që ai drejton.

“Askush në Austri nuk duhet të shqetësohet se nuk mund ta ndezë ngrohjen sepse çmimet e energjisë janë shumë të larta. Ne ndihmojmë ata që kanë nevojë për ndihmën tonë”.

Lidhur me këtë temë, ai tregon se me nga 150 euro do të ndihmohen rastet sociale dhe të papunët, pastaj do të pezullohet tarifa fikse e energjisë elektrike dhe do t’u jepen nga 300 euro shtesë për grupet e pambrojtura.

“150 € ndihmë për rastet sociale dhe të papunët. Pezullimi i tarifës fikse të energjisë elektrike. 300€ shtesë për grupet e pambrojtura”. /Albinfo.at.

---