Kancelari gjerman: Përshkallëzimi i situatës në veri, dëshmon se Kosova e Serbia duhet të zbatojnë marrëveshjen

(KEYSTONE/DPA/Christoph Soeder)

Kancelari gjerman, Olaf Scholz, gjatë Samitit në Procesin e Berlinit që po mbahet në Tiranë, ka thënë se përshkallëzimi i situatës në veri të Kosovës dëshmon faktin se Kosova dhe Serbia duhet të zbatojnë marrëveshjen për të cilën janë dakorduar, teksa u shpreh i kënaqur me punën e ndërmjetësve të Bashkimit Evropian mbi dialogun Kosovë-Serbi.

Sipas tij, Procesi i Berlinit është instrumenti më i mirë edhe për përshpejtimin e integrimit të të gjitha vendeve të Ballkanit Perëndimor, shkruan albinfo.ch.

“Procesi i Berlinit është proces bashkëpunimi. Këto përshkallëzime të kohëve të fundit në veri të Kosovës kanë vërtetuar sa e rëndësishme është kjo. Ne duhet të përfundojmë zbatimin e marrëveshjeve të normalizuara nga BE-ja dhe jam shumë i kënaqur që për herë të parë ky Samit zhvillohet në një vend të Ballkanit Perëndimor. Është një sinjal i fortë dhe thekson rëndësinë që ka rajoni në këtë proces dhe ne duhet të përdorim këtë rast për t’u përqendruar te objektivi që kanë të gjitha shoqëritë e Ballkanit Perëndimor”, ka deklaruar Scholz.