Kantoni Neuchâtel mbyll të gjithë baret dhe restorantet

Kantoni Neuchâtel me masat më të reja hyn në mesin e pak kantoneve që kanë ndërmarrë masa më të ashpra se sa ato të marra nga Qeveria Federale

Kantoni i Neuchâtel-it do të mbyllë të gjitha baret, restorantet dhe muzetë nga e mërkura, më 4 nëntor. Po kështu, me vendimin e ri ndalohen edhe aktivitetet kulturore dhe do të mbyllen kinematë dhe teatrot, shkruan srf.ch

Nga këto masa preken edhe ativitetet fetare ndërkohë që lejohen vetëm funeralet, transmeton albinfo.ch. Vendimi zbatohet nga e mërkura në orën 11:00 deri më 22 nëntor.

Përveç kësaj, në kantonin Neuchâtel që nga e hëna ka qenë tashmë në fuqi ndalimi i mbledhjeve të më shumë se pesë personave, madje edhe privatisht. Kjo ishte vendosur  të premten e kaluar.

Qeveria kantonale gjithashtu kishte vendosur ta bënte maskën të detyrueshme për nivelin e lartë të shkollimit të detyruar.

Kantoni Neuchâtel me masat më të reja hyn në mesin e pak kantoneve që kanë ndërmarrë masa më të ashpra se sa ato të marra nga Qeveria Federale, përcjell albinfo.ch. Këtu bëjnë pjesë: Gjeneva, Valisi, Jura dhe Soloturni.

---