Kapen 30 migrantë të fshehur nën vagonët e trenit në Sllovaki

Policia e Sllovakisë ka arrestuar një grup prej 30 migrantëve, të cilët ishin fshehur nën vagonët e një treni, në përpjekje për të hyrë në vend nga Hungaria fqinje.

Sipas policisë, 18 migrantë nga Afganistani janë arrestuar në pikën kufitare jugore Shturovo.

Edhe një grup tjetër prej 12 migrantëve, të cilët vazhduan rrugën këmbë, janë kapur më vonë.

Migrantët kalojnë rrallë në Sllovaki, në përpjekje për të arritur drejt vendeve të Evropës Perëndimore, sikurse është Gjermania./indeksonline

 

---