Kapet prifti britanik i akuzuar për pedofili, po fshihej në Kosovë

Andrew Charles Kingston Soper, prift britanik katolik, u arrestua të dielën në Londër në aeroportin Luton, pasi që kishte qëndruar i fshehur për pesë vjet. Prifti britanik ishte arrestuar në maj në Kosovë, ku ishte burgosur, në bazë të një fletarrestimi evropian të lëshuar nga Britania

Një prift katolik britanik, i moshës 72 vjeç, i akuzuar nga drejtësia e Londrës për abuzim seksual të pesë fëmijëve në “Shkollën Shën Benedikti” ndërmjet viteve 1972 dhe 1986, u arrestua të dielën në një aeroport në Londër. Charles Kingston Andrew Soper, i cili rrinte i fshehur në Kosovë për pesë vjet, është burgosur menjëherë.
Andrew Charles Kingston Soper, prift britanik katolik, u arrestua të dielën në Londër në aeroportin Luton, pasi që kishte qëndruar i fshehur për pesë vjet. Sapo kishte arritur në Londër nga Kosova, prifti i akuzuar për abuzim seksual të kryer mbi nëntë herë në pesë fëmijë mes viteve 1972 dhe 1986, u burgos menjëherë.
Kosova refuzoi ekstradimin e tij
Prifti britanik ishte arrestuar në maj në Kosovë, ku ishte burgosur, në bazë të një fletarrestimi evropian të lëshuar nga Britania. Ai kishte mbetur i burgosur në Kosovë, por ka dy javë më parë kur drejtësia e Kosovës refuzoi për herë të dytë ekstradimin e tij. Kosova kishte argumentuar se “akuzat kundër tij ishin gati për t’u vjetruar”.
Andrew Charles Kingston Soper ishte në arrati që nga lirimin e tij me kusht në vitin 2011 që nga aktakuza e tij për “abuzim seksual të fëmijëve”, fakte që datojnë në periudhën kur ai po mësonte në “Shën Benedikti School”, një institucion privat katolik, i bazuar në Ealing Abbey, në perëndim të Londrës.
Rezultati i një marrëveshjeje me Kosovën?
I kontaktuar të shtunën nga agjencia franceze AFP, autoritetet e Kosovës nuk janë treguar të gatshme për të komentuar kthimin e priftit në Britani, as arrestimin në fjalë, i cili i jep fund një beteje të gjatë ligjore mes Mbretërisë së Bashkuar dhe Kosovës.
Nga ana e saj, policia metropolitane e Londrës nuk e di nëse kthimi në vend i priftit ishte rezultat i një marrëveshjeje me Kosovën, apo nëse Charles Andrew Kingston Soper ishte kthyer në Londër vetë.