Karrota më e rëndë në botë – peshon mbi 10 kilogramë 

Me 10.16 kilogramët e karrotës së tij, Christopher Qualley  zyrtarisht hyri në librin e rekordeve për karotën më të rëndë në botë

Kopshtari amerikan Christopher Qualley nga Minnesota ka arritur të hyjë në librin e rekordeve “Guinness” me karotën më të madhe në botë. 

Me 10.16 kilogramë, zyrtarisht ai hyri në librin e rekordeve për karotën më të rëndë në botë. 

Ai ka thënë se ky ishte edhe qëllimi i tij. 

“Ky ishte qëllimi im. Mendoj se të gjithë që rrisin fruta dhe perime gjigante mendojnë se si të vendosin rekord botëror dhe isha me fat që unë e realizova dëshirën time”, ka thënë. 

Qualley ka treguar se edhe pse fitoi rekordin nuk e ka ngrënë karotën pas çmimit. 

“Kam mundur ta haja, por e ripërpunova në shpresën se do të  kem sërish karrota të tilla”, ka shtuar Qualley. 

Rekordi botëror për karrotën më të rëndë në botë ishte 9.1 kilogramë i vendosur më 12 shtator të vitit 2014.