Kearns jep detaje për letrën dërguar SHBA-së, BE-së dhe BM-së

Alicia Kearns, FB

Deputetja e Parlamentit të Britanisë së Madhe, Alicia Kearns, ka nxjerrë detaje për letrën e dërguar Shteteve të Bashkuara të Amerikës, Bashkimit Evropian dhe Britanisë së Madhe.

Sipas saj, janë 10 kryetarë të komisioneve për punë të jashtme dhe 56 deputetë që kanë bërë thirrje këtyre vendeve që të ndryshojnë qasjen ndaj Kosovës dhe Serbisë, përcjell albinfo.ch.

Kearns ka thënë se ekziston nevoja për diplomaci parandaluese.

“10 kryetarë të komisioneve për punë të jashtme dhe 56 deputetë i kanë bërë thirrje SHBA-së, BE-së dhe Britanisë së Madhe që të ndryshojnë qasjen tonë ndaj Kosovës dhe Serbisë. Ne kemi nevojë për diplomaci parandaluese, ku të sigurohemi që të ketë ekuilibër në marrëdhëniet tona dhe të mos përsërisim gabimet e së kaluarës”, ka shkruar ajo.

Është kërkuar edhe reagim ndaj tendencave destabilizuese të Serbisë.

Këtë letër e ka nënshkruar edhe kryetari i politikës së jashtme në Bundestagun e Gjermanisë, Michael Roth nga radhët e SPD-së dhe senatori amerikan Bob Menedez, shkruan koha.net.

Në këtë letër janë nënshkruar edhe kryetarët e komiteteve të politikës së jashtme të Britanisë e Çekisë, Ukrainës, Irlandës, Estonisë dhe Lituanisë, përcjell albinfo.ch.