Këngëtares i ndalohen performancat sepse “ofendoi” lumin Nil

Unioni i muzikantëve të Egjiptit ka përjashtuar një këngëtare nga performancat në këtë shtet pasi “u tall” me lumin Nil.

Kjo erdhi pas një videoje që doli online në të cilën Sherine Abdel Wahab u pyet që të këndonte në një koncert këngën “Mashrebtesh Men Nilha” (A ke pirë ndonjëherë nga Nili).

Ajo u përgjigj duke thënë se “të pi nga Nili do të më sjellë sëmundje”, transmeton Albinfo.ch.

Të martën, Sindikata e Muzikantëve ka njoftuar se e ka shikuar videon dhe ka vendosur të suspendojë 37-vjeçaren për “fyerje të pajustifikueshme të Egjiptit”.

Ky union po ashtu njoftoi se ka hapur hetimet ndaj Wahabit për të parë nëse do t’i lejohet të performojë më.

Në anën tjetër, këngëtarja ka kërkuar falje për shakanë e saj.