Kërkohet angazhim i shtuar për të pagjeturit

Komisioni qeveritar për të pagjeturit ka nisur punën për 2012, por pa ndryshuar planet e vjetra. Ky komision ka kërkuar nga Qeveria që të merret më seriozisht me këtë çështje.

Kryetari i Komisionit qeveritar për të pagjeturit, Prenk Gjeta ka kërkuar vleerësimin e familjarëve për punën e bërë për të zbardhur fatin e personave që mungojnë.

Bajram Çerkini, i cili kërkon të birin, ka kërkuar nga të gjitha institucionet që t’i ndihmojnë në gjetjen e familjarëve të tyre, ngase, sipas tij, ata ua kanë borxh një gjë të tillë.

Familjarët edhe një herë kanë ripërsëritur se me gjithë faktin që pala kosovare ka në duar argument për ta bindur Serbinë të tregojë vendndodhjen e varrezave, nuk po punohet në këtë drejtim.

Ndërkaq, Pajazit Nushi, i cili është kryetar i grupit të punës për të pagjeturit, ka kërkuar që raporti t’i dërgohet Qeverisë, por përmes Ministrisë së Drejtësisë.