Kjo është situata në pikat kufitare për të hyrë në Kosovë

Foto nga arkiva

Pikat kufitare të Kosovës mëngjesin e së hënës nuk janë të ngarkuara si në ditët e fundjavës.

Pritjet për të hyrë në Kosovë nuk janë edhe shumë të larta.

Sipas Qendrës Kombëtare të Menaxhimit Kufitar, pikë-kalimi në Dheun e Bardhë është më i ngarkuari këtë mëngjes, me pritje deri në 80 minuta, rreth një orë e gjysmë.

Sipas të dhënave të publikuara në orën 8 të mëngjesit të së hënës, 30 minuta pritje ka në Mutivodë, rreth 20-25 minuta pritje ka edhe në pikën kufitare në Mërdar dhe 15 minuta në Muçibabë, përcjell albinfo.ch.