Kolona në tri pikat kufitare, mërgimtarët duhet të presin deri në dy orë për të hyrë në Kosovë

Qendra Kombëtare për Menaxhim Kufitar përmes të dhënave të fundit që i ka publikuar, ka njoftuar se në tri vendkalimet kufitare Jarinjë, Dheu i Bardhë dhe Merdarë kanë nisur të krijohen kolona të gjata.

Sipas këtyr të dhënave, mërgimtarëve u duhet të presin deri në dy orë për të hyrë në Kosovë.

Kolonat më të gjata janë në pikën kufitare Dheu i Bardhë, të cilat arrijnë deri në 300 metra, ngjashëm me Jarinjën, përcjell albinfo.ch.

Në anën tjetër, në Merdarë pritjet zgjatin deri në 30 minuta teksa në vendkalimet e tjera hyrja dhe dalja mund të bëhen brenda 15 minuta.