Kolona të gjata në Merdare

Sipas raporteve nga Qendra Kombëtare për Menaxhim Kufitar sot deri në orën 10:30 kolona në dalje të pikës kufitare në Merdare është deri 3 kilometra

Kthimi i bashkatdhetarëve në vendet e tyre të punës sërish ka shkaktuar kolona të gjata në dalje të Kosovës për në Serbi, në pikëkalimin kufitar Merdarë, por edhe të Dheu i Bardh. Sipas medieve në Prishtinë të ci;at i referohen policisë kufitare, kolonat deri në mesditë kanë qenë disa kilometra.

Sipas raporteve nga Qendra Kombëtare për Menaxhim Kufitar sot deri në orën 10:30 kolona në dalje të pikës kufitare në Merdare është 3 kilometra.

Ndryshe, ardhja e bashkatdhetarëve në Kosovë vazhdimisht po përcillet me kolona të gjata, për shkak të neglizhencës që po bëjnë autoritetet kufitare serbe. Edhe gjatë festave të fundit, por edhe gjatë muajve të verës bashkatdhetarët po presin me orë të tëra në kufirin Kosovë-Serbi. Kolonat po bëhen edhe për shkak të sigurimit të detyrueshëm të automjeteve që aplikohet për mërgimtarët, 20 euro në muaj për veturat e rëndomta.

Policia e Kosovës, ndërkaq iu ka bërë thirrje diasporës që t’i shfrytëzojnë edhe pikëkalimet tjera kufitare për t’i ikur tollovisë, asaj në Muçibabë dhe Mutivodë.