Kombëtarja pret përkrahjen e kosovarëve në Zvicër

Federata Shqiptare e Futbollit (FSHF) pret që ekipi kuqezi në Zvicër të përkrahet nga kosovarët që jetojnë në këtë vend.

Trajneri i Kombëtares shqiptare, Gianni de Biassi, ka filluar t’i bëjë përgatitjet për ndeshjet eliminatore të botërorit ‘Brazili 2014’, që nisin në shtator të këtij viti.

Trajneri italian  ka mbyllur të gjithë agjendën e skuadrës kuqezi për ndeshjen me Zvicrën, që do të luhet në shtator. Kuqezinjtë e kanë rezervuar rezidencën në qytetin e Luzernit, ku do të luhet edhe ndeshja ndaj helvetikëve.

Federata Shqiptare e Futbollit (FSHF) pret që ekipi kuqezi në Zvicër të përkrahet nga kosovarët që jetojnë në këtë vend.

“Jashtë planit teknik akomodimi për këtë ndeshje është shumë i rëndësishëm pasi në Zvicër jetojnë shumë shqiptarë nga Kosova e më pak nga Shqipëria, të cilët janë edhe ithtarët më të flaktë për ngjyrat kuqezi”, thuhet në një njoftim të publikuar në faqen zyrtare të FSHF’së (www.fshf.org), transmetojnë mediat e Prishtinës.