Komiteti i KiE-së ka rrëzuar amendamentet e dëmshme për Kosovën

Frederic Köberl @internetztube

Komiteti për Çështje Politike dhe Demokraci i Këshillit të Evropës ka rrëzuar të gjitha amendamentet e dëmshme për Kosovën, që janë paraqitur nga deputetë të ndryshëm për raportin e raportueses Dora Bakoyannis, kanë bërë të ditur burime të KOHËS nga Ministria e Punëve të Jashtme dhe Disaporës (MPJD), përcjell albinfo.ch.

Shumica e amendamenteve të propozuara për Kosovën në KiE lidhen me Asociacionin. Sipas dokumentit që ka siguruar KOHA, në një amendament disa deputetë serbë kanë rekomanduar që paragrafi 11 që parasheh se Asociacioni të jetë zotim i Kosovës pas anëtarësimit, të zëvendësohet me paragrafin që e konsideron formimin e Asociacionit si parakusht.

Në amendamentin e propozuar nga deputetë italianë propozohet që Kuvendi të konsiderojë se themelimi i Asociacionit duhet të merret parasysh si çështje në shqyrtimin e ardhshëm të Komitetit të Ministrave për aplikimin e Kosovës.