Kompania “Ryanair”, ndër ndotësit më të mëdhenj të ajrit në Evropë

“Ryanair” është kompania e parë ajrore që përfshihet në top-dhjetëshen e ndotësve më të mëdhenj të ajrit në Evropë. Kjo është hera e parë që një kompani që nuk ka termocentral thëngjilli hyn në listën e ndotësve më të mëdhenj që është përpiluar nga grupi për transport dhe ambient i Bashkimit Evropian. 

Shtatë fabrika në Gjermani dhe nga një në Poloni e Bullgari i prijnë listës së ndotësve më të mëdhenj të kontinentit. Të dhënat e BE-së tregojnë se emetimi i dyoksidit të karbonit nga kompania ajrore “Ryanair” është rritur për 6.9 për qind në vitin e kaluar, derisa kompania ka vazhduar ta cilësojë veten si më e pastra në Evropë, përcjell albinfo.ch.

Listës së ndotësve më të mëdhenj i prijnë termocentralet që furnizohen me linjit.