Komplot i Iranit për vrasjen e Trumpit?

Keystone (AP Photo/Gene J. Puskar)

Hetimet për atentatin mbi ish presidentin Donald Trump kanë marrë një tjetër rrjedhë. Duket se pas kësaj ngjarjeje të rëndë nuk fshihet thjesht një adoleshent që nuk e kishte qejf ish-presidentin e Shteteve të Bashkuara. CNN ka mësuar se Shërbimi Sekret kishte rritur sigurinë pasi kishte marrë informacione për një komplot iranian për të ekzekutuar Donald Trumpin.

Megjithatë, nuk është konfirmuar se autori 20-vjeçari Thomas Matthew Crooks kishte lidhje me Iranin apo jo. Hetimet vijojnë për të zbardhur plotësisht ngjarjen, se kush fshihet pas atentatit që tronditi jo vetëm Amerikën, por të gjithë botën.

Donald Trump u qëllua me armë gjatë një takimi elektoral në Pensilvani. P[ër fat të mirë, plumbi e kapi në pjesën e veshit të djathtë, por pa rrezik për jetën. Sulmi ndaj ish-presidentit ka ngjallur shumë reagime për sigurinë e Trump, teksa është dënuar nga të gjithë liderët e botës. Autori, 20-vjeçari u ekzekutua nga siguria.