Komuna e Lipjanit merr dy çmime nga DEMOS

Komuna e Lipjanit e cila merr çmimin si Komuna më përmirësimin më të mirë të përformancës së përgjithshme si dhe përmirësimin më të mirë në menaxhimin e shërbimeve dhe hapësirave publike

Pas komunës së Gjakovës e cila u radhit e para në performancë, në vendin e dytë është radhitur Komuna e Lipjanit e cila merr çmimin si Komuna më përmirësimin më të mirë të përformancës së përgjithshme si dhe përmirësimin më të mirë në menaxhimin e shërbimeve dhe hapësirave publike. Në të dy këto kategori Komuna e Lipjanit zë vendin e dytë në mesin e 16 komunave.

Çmimi është ndarë nga Zyra Zvicerane për Bashkëpunim në Kosovë, projekti DEMOS në një ceremoni të organizuar nga Ministria e Administrimit të Pushtetit Lokal, ku prezent ishte Kryeministri Kosovës Isa Mustafa.

Kryetari i Komunës së Lipjanit, Imri Ahemti, ka thënë se për këto dy çmime meritore janë edhe të gjithë qytetarët e Komunës së Lipjanit si dhe stafi komunal të cilët me angazhimin, punën dhe përkushtimin e tyre janë duke i ndihmuar komunës të arrijë këto rezultate të shkëlqyeshme.

Po ashtu, kreu Lipjanit, ka premtuar se do të vazhdojmë angazhimin tonë të përbashkët dhe do të avancojmë edhe me të tutje në përformancën e Komunës.

Në fund, Kryetari Imri Ahmeti, ka uruar të gjithë qytetarët e Komunës së Lipjanit për këtë sukses.