Komunat shqiptare prijnë me numrin e lindjeve

Komunat që kanë pasur lindshmëri më të madhe gjatë tremujorit të parë janë: Saraji, Çairia, Studeniçani, Tetova, Orizare, Gostivari, Struga dhe Dibra

Enti Shtetëror i Statistikave në Maqedoni në raportin e fundit për natalitetin, tregon se shtimi më i madh i popullsisë në këtë shtete është tek komunat me popullsi shqiptare. Ndërsa tek maqedonasit vërehet lindje e reduktuar, që tregon se shqiptarët janë në epërsi me lindje.

Komunat që kanë pasur lindshmëri më të madhe gjatë tremujorit të parë të vitit 2015 janë: Saraji, Çairia, Studeniçani, Tetova, Qendra (Shkup), Shuto Orizare, Gostivari, Struga dhe Dibra, raporton INA, përcjell albinfo.ch.

Ndërsa vdekshmëria më e madhe edhe në pjesën jugore dhe juglindore të Maqedonisë, siç janë komunat: Manastir, Veles, Gjevgjeli, Prilep e Ohër.

Sipas Entit të Statistikave, gjatë këtij tremujorin ka pasur rënie të lindjeve për 4 për qind në krahasim me tremujorin e parë të vitit 2014. Ndërsa, vdekshmëria ka shënuar rritje për 2,3 për qind.

Ndryshe, sipas statistikave që ka dhënë Enti Shtetëror, lindjet nga etnia maqedonase kanë rënë nën 50 për qind, për rreth 60-të vjet. Sipas këtij Enti, më 2013-të kanë lindur 11.602 maqedonas, 7.488 shqiptarë, 1.088 turq dhe 1.226 romë. Nga këto lindje shihet se vetëm për 5 vjetët e fundit ka një rënie rreth 5 për qind e lindjeve tek maqedonasit.