Konjufca – Borrellit: Mezi prisni të punoni me qeverinë proruse të Serbisë, Kosovës nuk ia hiqni masat

Glauk Konjufca në Facebook

Kryetari i Kuvendit të Kosovës, Glauk Konjufca, ka dalë me reagim pas urimit që përfaqësuesi i lartë i Bashkimit Evropian, Josep Borrell, ia ka bërë qeverisë së re serbe.

Ai ka thënë se me keqardhje dëgjohet se Bashkimi Evropian po pret me padurim që të punojë me qeverinë serbe, duke përfshirë zëvendëskryeministrin Aleksandar Vulin, i cili është nën sanksionet e Shteteve të Bashkuara të Amerikës, transmeton albinfo.ch.

“Me keqardhje dëgjohet se BE-ja po pret me padurim të punojë me qeverinë serbe, duke përfshirë zëvendëskryeministrin Alekandar Vulin, i cili është nën sanksionet e SHBA-së për lidhjet e tij të ngushta me Rusinë, ndërsa ata ende nuk janë të gatshëm të heqin masat e padrejta kundër Kosovës”, ka thënë ai.