Korrupsioni në PE, prokurorët federalë ngrenë akuza ndaj 4 të arrestuarve

Keystone EPA/CHRISTOPHE PETIT TESSON

Katër persona janë akuzuar në lidhje me hetimin antikorrupsion në radhët e Parlamentit Evropian, që ka bërë që i gjithë Brukseli të dridhet.

Nënkryetarja e Parlamentit Evropian, Eva Kaili, dhe tre persona të tjerë u akuzuan dhe u dërguan në burg të dielën, në kuadër të hetimeve. Gjithashtu, një person tjetër u arrestua në 48 orët e fundit.

Kaili, një euro-deputete socialiste greke dhe një nga 14 nënkryetaret e organit legjislativ të BE-së, u pezullua nga partia e saj dhe u sanksionua.

Përkohësisht ajo është tërhequr nga detyrat e saj, përfshirë atë të përfaqësueses së kreut të Parlamentit të një vendi në Lindjen e Mesme.

Zyra e prokurorit federal të Belgjikës nuk e citoi emrin e vendit, por një burim i afërt me hetimin konfirmoi se bëhet fjalë për Katarin, prej nga thuajse vinin paratë e korrupsionit./Reuters