Kosova dhe Austria, bashkë kundër kontrabandës

Në Vjenë është nënshkruar të premten marrëveshja për bashkëpunim doganor mes Kosovës dhe Austrisë

Marrëveshja e nënshkruar nga drejtori i përgjithshëm i Doganës së Kosovës, Naim Huruglica dhe sekretari i Shtetit në Ministrinë e Financave të Austrisë, Andreas Schieder, do të shërbejë si një bazë e mirë për bashkëpunim me qëllim të luftimit të kontrabandës, veçanërisht në fushën e duhanit, alkoolit dhe drogave, si dhe për shkëmbimin e eksperiencës në të gjitha çështjet doganore, transmetojnë mediat e Kosovës.

Në këtë takim të dyja palët u zotuan se do të lehtësohet tutje tregtia ndërkufitare dhe luftimi i kontrabandës.

Kjo është marrëveshja e nëntë me radhë ndërkombëtare që Dogana e Kosovës e nënshkruan me administratat doganore të vendeve të tjera.