Kosova luan me Xhamajkën, më 4 mars

Kjo ndeshje konsiderohet historike, pasi që është miqësorja e parë që zhvillon Kosova pas lejimit të FIFA-s

Ndeshja e parë miqësore e Kombëtares kosovare të Futbollit, do të luhet më 4 mars në Kosovë kundër Xhamajkës. Kështu raportuan të premten në mesditë mediet kosovare. Kjo ndeshje konsiderohet historike, pasi që është miqësorja e parë që zhvillohn Kosova pas lejimit të FIFA-s.

Gjatë ditës, siç raportoi RTV21, lajmi do të bëhet publik edhe nga Federata e Futbollit e Kosovës së bashku me detajet tjera të kësaj ndeshjeje.

Kosovës para disa ditësh i është dhënë e drejta nga FIFA, për zhvillim të ndeshjeve ndërkombëtare miqësore, ndërsa në mungesë të infrastrukturës për lojëra, ishte përmendur Zvicra si vend ku do të zhvillohet loja e parë miqsore.

Por, duket se stadiumi “Adem Jashari” në Mitrovicë ose edhe ai i kryeqytetit në Prishtinë, do të jenë gati deri më 4 mars, për lojën miqësore.