Kosova, miqësore me Gjermaninë

Marrëveshje është arritur gjatë takimit të kryetarit të FFK-së, Fadil Vokrri me kreun e Federatës së Futbollit të Gjermanisë, Wolfgang Niersbach.

Ndeshja miqësore është paraparë të zhvillohet më 27 shtator.

Bëhet fjalë për një ndeshje miqësore ndërmjet veteranëve të futbollit të Gjermanisë dhe të futbollit të Kosovës.

Sic transmetojnë mediat në Prishtinë, gjatë këtij takimi, numri një i futbollit kosovar ka falënderuar mikpritësit për ftesën dhe kohën që kanë ndarë për delegacionin e FFK-së, duke shprehur mirënjohjen e thellë për DFB dhe shtetin gjerman për përkrahjen që po bënë për futbollin e Kosovës dhe shtetin tonë.

“Për FFK dhe për Kosovën, DFB dhe Gjermania kanë qenë dhe mbetën njëri nga miqtë më të çmuar që kanë dhënë shumë për neve në të gjitha kohërat. Për të gjitha këto u jemi mirënjohës përgjithmonë u ka thënë kryetari Vokrri mikpritësve”, vazhdon njoftimin i Federatës kosovare të Futbollit FFK

Në këtë takim kryetari Vokrri mori mbështetje të fuqishme nga e kryetari të DFB-së Niersbache dhe nënkryetarit Milkoreit.

“Në këtë takim u bisedua për thellimin e bashkëpunimit në të gjitha fushat sidomos në shkollimin e kuadrave të ndryshme si dhe që Federata e Gjermanisë do të angazhohet dhe do ta shfrytëzojë ndikimin e saj në UEFA dhe FIFA që Kosova sa më parë të bëhet pjesë e këtyre mekanizmave ndërkombëtarë”, përfundon njoftimi i FFK-së.