Kosova në Beach Soccer kalon testin e parë

Beachsoccer Kosova ka fituar në ndeshjen e parë testuese në Zvicër kundër Beachkings Emmen me rezultat 13:11

Përfaqësuesja e Kosovës në Beach Soccer ka zhvilluar të mërkurën  ndeshjen e parë testuese me BeachKings Emmen, para ndeshjes së parë ndërkombëtare të Kosovës në Beach Soccer me Zvicrën, që do të luhet më 9 korrik në Cyrih.

BeachKings Emmen është një ekip që rregullisht ngjitet në 5 vendet e para të premierë ligës zvicerane. Beachsoccer Kosova ka fituar në ndeshjen e parë testuese me Beachkings Emmen me rezultat 13:11. Fitore e merituar e Kosovës. Djelmoshat e përfaqësueses kosovare kanë luajtur 4 pjesë nga 12 minuta. Në dy pjesët e para ka dominuar plotësisht Kosova. Pas 24 minutash lojë rezultati ishte në favor të Kosovës  9:4. Pjesën e tretë e përfunduan me rezultat 11:9. Te djelmoshat e skudarës së Kosovës u vu re një lodhje e tepërt në dy pjesët e para, si dhe pas disa gabimeve individuale në koncentrim, pjesa e fundit ka përfunduar me rezultat të barabartë, 2:2, duke dhënë rezultatin përfundimtar 13:11 për Kosovën. Me këtë paraqitje të parë duket se përfaqësuesja e Kosovës në Beach Soccer do të ketë një ekip të fortë në përballjen e parë ndërkombëtare me Zvicrën më 9 korrik.

Deri më 9 korrik kanë mbetur edhe 5 ditë, biletat tashmë janë në shitje. Pritet të ketë interesim të madh nga shikuesit për lojën e parë të Kosovës në Beachsoccer më 09.07.2014 në Hauptbahnhof Zürich.