Kosova radhitet në vendin e 86 për lirinë e shtypit

Prej vendeve të rajonit, Maqedonia është e 94-ta, Mali i Zi i 107-ti, Serbia e 80-ta, Bosnja radhitet në vendin 58, ndërsa Kroacia e 68-ta

Kosova radhitet në vendin e 86, me 30 pikë në raportin e publikuar për Indeksin e lirisë së shtypit nga grupi Reporterët pa Kufij  për vitin 2011.

Kjo paraqet një përmirësim në krahasim me vitin 2010, pasi atëherë ishte radhitur në vendin 92, me 24.83 pikë.

Shqipëria sivjet është e 96-ta, që në krahasim me vitin 2010 paraqet rënie, raporton Rel.

Prej vendeve të rajonit, Maqedonia është e 94-ta, Mali i Zi i 107-ti, Serbia e 80-ta, Bosnjë Hercegovina radhitet në vendin 58, ndërsa Kroacia është e 68-ta.

Sllovenia është radhitur në vendin e 36, ndërsa në dy vendet e para, pra vendet me lirinë më të madhe të shtypit, janë Finlanda dhe Norvegjia