Kosova sot luan ndaj Zvicrës, i duhet fitorja që t’i mbajë gjallë shpresat për kualifikim

Kosova sot luan ndaj Zvicrës, i duhet fitorja që t’i mbajë gjallë shpresat për kualifikim

Mësohet se takimi do të nisë nga ora 20:45, e që do të luhet në Bazel, ku “Dardanët” do të kërkojnë pikët maksimale që të mbajnë shpresat gjallë për kualifikim, përcjell albinfo.ch.

Në mënyrë që Kosova të kualifikohet, i duhet të marrë tri pikë të plota nga Zvicra, ndërsa në anën tjetër, Rumania të marrë së paku një pikë ndaj Izraelit.

Ndërsa, në rundin e fundit, Kosova duhet të fitojë si vendase ndaj Bjellorusisë, ndërsa Rumania ta mposhtë Zvicrën.

Në pesë ndeshjet e fundit, Zvicra ka vetëm një fitore dhe katër barazime, ndërsa Kosova i ka dy fitore, dy humbje dhe një barazim.

Në këtë takim, Kosova nuk do të mund të llogarisë në shërbimet e sulmuesit Vedat Muriqi, i cili është lënduar në takimin që Kosova pati me Izraelin.

---