Kosovarët nga 1 korriku nuk do të paguajnë 15 euro taksë për hyrje në Mal të Zi

unsplash

Nga 1 korriku kosovarët nuk do të paguajnë sigurimin kufitar në vlerë 15 euro me Malin e Zi, tha drejtori i Byrosë së Sigurimeve, Sami Mazreku.

Ai më tej ka bërë të ditur se për shkak të problemeve teknike është shtyrë zbatimi i saj për një muaj, dhe marrëveshja do të nënshkruhet më 25 qershor, në ora 14:00.

“Përpara është diskutuar shumë dhe është diçka që nuk ka ndodhur në muajin e tretë të mandatit si drejtor, kemi arritur t’ i finalizojmë të gjitha komentet dhe më 25 qershor, në ora 14:00 nënshkruhet kjo marrëveshje dhe kjo do të hyjë në fundi nga data 1 korrik, mirëpo që aspekti teknik na ka vonuar pak”, ka thënë ai.

“Qytetarët e Kosovës që shkojnë në Mal të Zi nuk kanë nevojë të paguajnë sigurimin kufitar dhe sigurimi që marrin për Serbi dhe Maqedoninë të vlejë edhe për Malin e Zi”, tha ai në një intervistë për EO.

Ndërsa për vendimin e djeshëm të Qeverisë për mbulimin e sigurimit kufitar, Mazreku tha se për byron kjo nuk do të paraqet problem, derisa tha se është proces i ndryshëm teknik“.

Është një vendim që i paraprin një marrëveshje, e cila do të nënshkruhet nesër me Ministrinë e Financave, Bankës Qendrore, neve si Byro dhe Ministrisë së Punëve të Brendshme”, deklaroi ai. “Për Byronë është njëjtë, vetëm se është një proces më ndryshe. Nuk e shohim problem”.