Kosovarët, në vendin e 29-të në botë në Raportin e Lumturisë

(AP Photo/Visar Kryeziu)

Kosovarët renditen në vendin e 29-të në Raportin e Lumturisë, i publikuar sot, përcjell albinfo.ch.

Referuar këtij raporti, të rinjtë në Kosovë janë më të lumtur se grupmosha më e vjetër.

Te grumposha nën 30 vjet, kosovarët zënë vendin e 23-të si më të lumturit në botë. Ndërsa te grumposha mbi 60 vjet, kosovarët bien në vendin e 39-të si më të lumturit në botë.

Në Raportin e Lumturisë për periudhën 2021-2023, kosovarët del të jenë ngritur në ranglistën e lumturisë.

Finlandezët zënë vendin e parë si më të lumturit në botë. Pas tyre janë danezët e islandezët. Suedezët dhe izraelitët kompletojnë top-pesëshen.

Afganët janë populli më i palumtur në botë. Libani, Lesoto, Sierra-Leone dhe Kongo e pasojnë.

Raporti është publikuar në Ditën Ndërkombëtare të Lumturisë. Ky raport mbledh të dhëna nga anketat në më shumë se 140 shtete. Ato rangohen bazuar në vlerësimin e jetës që e bëjnë njerëzit në tre vjetët paraprake, në këtë rast nga 2021 deri më 2023.