Kosovarët shpenzuan miliona euro për viza Schengen

Kosovarët shpenzojnë shumë për pajisjen me vizë Schengen

Mësohet se qytetarët e Kosovës kanë shpenzuar më shumë se katër milionë euro vitin e kaluar për tarifat e vizave në shtetet e zonës Schengen, përcjell albinfo.ch.

Gjatë vitit 2022 aplikimet për viza që u dorëzuan nga shtetas kosovarë shënuan një nivel rekord. Fjala është për 121,97 aplikime, gjë që do të thotë se janë shpenzuar 4.2 milionë euro për tarifat e vizave në shtetet e zonës Schengen, raporton SchengenVisaInfo.com. 13, 674 aplikacione janë refuzuar vitin e kaluar, që kushtuan mbi 478 mijë euro.

Siç bëhet e ditur, shpenzimet janë edhe më të larta, pasi në qendrat e aplikimit për viza qytetarët paguajnë edhe më shumë për shërbimet e tjera gjatë procesit të aplikimit, kështu që ndonjëherë kjo shumë në total mund të shkojë prej 150 deri në 200 euro

Liberalizimi i vizave në vitin 2024, jo vetëm që do t’i hapë kosovarët ndaj botës, por edhe do t’u kursejë shumë para, pasi që nuk do të shpenzohen shuma parash për tarifat e vizave, të cilat kushtojnë rreth 35 euro vetëm për aplikim.

---