Kosovarja godet me veturë një kalimtar në Shkodër

Një 47-vjeçare nga Gjakova ka goditur për vdekje një këmbësor në vendin e quajtur Harku i Bërdicës, afër qytetit të Shkodrës.

Polica shqiptare njofton se ngjarja ka ndodhur mbrëmë rreth orës 23:00.

“Mjeti tip Skoda me targa KS 01-168 ka përplasur një shtetas akoma të paidentifikuar, i cili ka gjetur vdekjen e menjëhershme”, thuhet në njoftimin e policisë, përcjell albinfo.ch.

Po ashtu bëhet e ditur se drejtuesja e automjetit L.M., 47-vjeçe nga Gjakova, është shoqëruar në ambientet e Komisariatit të Policisë së Shkodrës. Policia ka theksuar se po vazhdojnë hetimet për sqarimin e rrethanave të aksidentit.