Kosovë: Depo e pajisjeve mjekësore bëhet shkrumb e hi

Një zjarr i madh ka shpërthyer sot në një depo të pajisjeve mjekësore, që gjendet në rrugën Prishtinë-Ferizaj. Zjarri nuk është shuar akoma. Zjarrfikësit qe disa orë po luftojnë me flakët atje. T7 sjell pamje me dron, ku shihen dëmet që janë shkaktuar e përpjekjet e zjarrfikësve për të shuar zjarrin, përcjell albinfo.ch.

Tym i madh është krijuar mëngjesin e sotëm, përgjatë rrugës Prishtinë-Ferizaj, pas zjarrit që ka përfshirë një depo. Bëhet fjalë për depon e kompanisë “Koslabor”, ku ruhen pajisje mjekësore.

Në pamje shihen zjarrfikësit duke vrapuar për ta shuar zjarrin, që po vazhdon ende, dhe Policia e Kosovës. Afër objektit janë mbledhur edhe qytetarë.

Depoja është e ndarë në tri objekte, dhe zjarri duket se ka shpërthyer nga objekti që gjendet në mes.

Mehmeti ka thënë se nuk e di se cilët janë shkaktarët e zjarrit, por se dëmet janë milionëshe.