Kosovë: Kthehet orari i rregullt i punës në qendrat për pajisje me dokumente

Nga e mërkura të gjitha qendrat për pajisje me dokumente do të punojnë me orar të rregullt (08-16), ka njoftuar Ministria e Punëve të Brendshme, përcjell albinfo.ch.

Para dy javësh, Agjencia e Regjistrimit Civil zgjati orarin për shkak të rritjes së aplikimeve për dokumente.

Në vendimin e ri, është thënë se tash ka rënie të kërkesave dhe nga tash do të punohet vetëm me orar të rregullt.

Me vendimin e fundprillit ishte vendosur që të punohet edhe ditëve të shtuna. E tash në qendrat për pajisje me dokumente do të punohet vetëm edhe këtë të shtunë, datë 11.05.2024 dhe do të punohet nga ora 08:00 deri në orën 16:00.