Mesazh kërcënues nga përkrahësit e ISIS

Në një mesazh kërcënues, mbështetësit e Kalifatit kërcënojnë edhe Kosovën e Maqedoninë për sulme. Ata thonë se sulmet në Paris janë “vetëm fillimi”

Një mesazh kërcënues ka ardhur mbrëmë në adresë të medieve në Kosovë e Shqipëri nga mbështetësit e ISIS-it, që vetën e quajnë luftëtarët e Halifetit. Sipas këtij mesazhi që nënshkruhet nga Ebubeker Albani, thuhet se sulmet në Paris janë vetëm fillimi i një lufte të përgjakshme, ndërsa kërcënojnë me sulme të tjera.

Në këtë e-mail, kërcënohen edhe Kosova e Maqedonia, si pjesë kua ata do të sulmojnë.

“Me emrin e Allahut, Mëshiruesit, Mëshirbërësit. Ju kryqtarët po e fyeni profetin tonë, po e sulmoni shtetin tonë, po i mbysni fëmijët tanë dhe po i përdhunoni grat tona. Dhe ju vërtet mendoni se ne harrojmë? Jo, pasha Allahun! Ushtarët e Hilafetit do të sulmojnë vazhdimisht pamëshirshëm dhe ky ishte vetëm fillimi”, thuhet në e-mailin me adresën e nisjes “khalifeti@gmail.com”

“Rrugët e juaja”, siç thuhet më tej në kërcënim, “do të mbushen me gjak në lindje dhe perëndim”. “Dhe kush do të na ndal neve? Kush do ti ndal flakët e luftës të prekin kryqtarët në Amerikë, Britani, Rusi, Gjermani, Kosovë, Itali, Maqedoni dhe Spanjë?

Prandaj ju përgëzojmë o ushtarët e Hilafetit për këto sulme të fuqishme!”, thuhet në e-melin kërcënues.

“Është koha për hakmarrje dhe lufta sapo ka filluar. Dhe Falënderimi i takon Allahut, Zotit të botëve Përkrahësit e Hilafetit në Shqipëri”, thuhet në kërcënimin e Ebubeker Albanit, i cili gjithashtu është shkruar edhe në anglisht.