Kosovë: Në 24 orët e fundit në trafik, 2 aksidente me fatalitet

Një person ka vdekur dhe dy të tjerë janë lënduar pas një aksidenti mes tri veturave në rrugën Mitrovicë-Prishtinë, në hyrje të Vushtrrisë, përcjell albinfo.ch.

Rastin e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.

Po ashtu, gjatë 24 orëve të fundit raportohet se edhe një person ka humbur jetën në një aksident që ka ndodhur mbrëmë pas mesnate në fshatin Shtaricë të Klinës.

Policia e Kosovës njofton se në aksident ishin të përfshirë dy vetura civile me targa vendore. Deri te aksidenti, sipas policisë, erdhi teksa shoferi  ishte duke qarkulluar nga drejtimi i Klinës në drejtim të fshatit Ujmir dhe me të arritur në fshatin Shtaricë,  kalon në anën e majtë dhe me pjesën e parë ballore përplaset me automjetin e viktimës qe ishte duke lëvizur në drejtim të kundërt.